Za niydugo sie dowiycie jak zakonczyla sie sprawa ze gyszynkami . Na pewno takigo zakonczynia zodyn z wos sie niy spodziywol , jo tyz niy ! Ale do Ameryki do Holandi i do Gdyni i tak poleca - bo chca i na pewno dostana jeszcze dzisiej te zaproszynia ! 

Niestety ! Żodno frelka sie ani niy pokozala ! Żodno tysz niy poslala mu zaproszynio i fcale sie niy dziwia czamu ! Pszeca u Agusi miol być ino na łikynd i co? Siedzi tam juz trzeci rok ! 

Zigusiowi tysz sie spodobol pomysl naszyj Helgi co by postawic we piwnicy bild zdrzadła i karbitki a nosz widołka sie tysciowo niy kapnie, ze to ino atrapy ? Zigus był gotowy co by zrobic nowe zdrzadło i kciol jego wymiary - Yeju ty zes jest jak Heksa i moje mysli zes zgodla Helga mo racja z tym bildem , a jo zrobia ta roma i zodny blaszki tam niy przybija bo po ty blaszce mogla by tesciowa se zorietowac a te gwozdki tysz tam polorza kaj byly Do ciebie Yeju tysz jest zadanie ta roma dokladnie wymierzyc i to bydzie jak oryginal !

Jako , ze audycja poleku sie konczyla i trza było sprawa zawric na sztyry spusty no tosz odezwoł sie Gizd i ze niywiadomych jeszcze nom powodow jonkajoncym sie gosym godo tak : - No toz posuchejcie o szczegolach i o zakonczyniu tyj dziwnyj i podejrzanyj sprawy pod kryptonimym " Otwarto Pywnica Tysciowyj " a niy uwierzicie ze ktos moze byc az tak podstympny i przewidujoncy zeby z czystego lynistwa wymyslec jak cos zrobic zeby nic niy robic bez kiwniyncia malym palcym i jeszcze pochwaly zbiyrac ! No to jadymy z tom  spowiedziom ...

Moja tysciowo prziszla ku mie we piontek z rana , tak bardzij ku poledniu - po tym zajsciu w tyj naszyj pywnicy i mi sie prziglondala - roz ze lewyj , roz ze boku , roz tak a raz na wspak  ! Wy mie sie zaroz wszystke alarmy na czerwono zapolyly i zaczyly gosno wyc ostrzegawcze syryny - ale jo starol sie niy okozac przed niom zodnego strachu ! Trocha mi sie rynce trzynsly i zadek mi sie z letka telepol , ale trzimol zech sie fest na wlasnych szlapach , po kryjomu niy spuszczol zech z nij oka i czekom ze keryj strony ona mie zaatakuje ... A ona tak mniyj wiyncyj po pol godzinie mi godo : WIYSZ ... ! I zajs pauza ! Kolana miol zech juz jak ze galertu ale jeszcze zech trzimol sie kupy ... i nareszcie ona dokonczola zdanie - ze uwierzic niy poradzi ze po tylu latach jo zech zrobiol cos od samosci - to o co ona sie doprosic niy mogla zodnom prosbom ani grozbom przez pora lot - ze oprozniol zech nareszcie pywnica z gratow bez kere ona sie przewrocala ! Zech wynios te zdrzadlo na kere patrzec niy poradziola , bo w nim miala zadek trzi razy szyrszy niz mo w oryginale ! I ze nareszcie zech wywalol ta smierdzonco karbitka ze keryj myszy sie WC u nos zrobiyly ! A mie wszystke kamynie naroz spadly ze wiyrchu na som dol i ze takigo skulonego skryntka automatycznie przibrol zech pozycja Tarzana  i jeszcze zdziebko wzruszonym ale stanowczym gosym zech pedziol ij ze nolezi mi sie halba za to !  O dziwo ! Tysciowo juz miala ta halba przigotowano i pedziala zech sie zarobiol na nia piyrszy roz w zyciu colkym uczciwie ! No to teraz blank oficjalnie - chca Wom podziynkowac za ta przisuga ! Tobie Zigus zes wpod na taki pomysl , tobie Agusiu i Krzysiu , ze poszliscie  za przikladym Zigusia i tobie Yeja zes przyjyna te gyszynki z chynciom  i niych ci sprawiajom radosc kozdego dnia ! Bo wiym ze wiela razy wejrzisz w te zdrzadlo  , albo wieczorym o zmroku zapolisz sie ta antyczno karbitka - to na pewno niy pomyslisz ani o Zigusiu ani o Agusi ino O MIE ! A co pomyslisz - to na pewno nom tego sam niy powiysz ani gosno ani nawet po cichu ! Jeszcze roz dziynkuja waszyj trojcy ze zrobiyliscie mie bohaterym przed mojom wymagajoncom tysciowom ! Teraz jakis czas moga sie po haupie lajzic hoby jaki Kink konk ! I ani sie wazcie mi te rzeczy sam nazod przinosic , bo tysciowo ze zaladowanom flintom za winklym sie zaczajola i czeko !

Na pewno ŻODYN z Wos niy rachowol na taki finał ! Jo żech je tego pewno !  Jo jak to czytałach toch nojpszod niy poradziła tego poczytac boch sie zanosila smiychym ! Potym sie mysla , ze jakbych miala Gizda pod rynkom to te jego dwie chude szlapki ze dupki mu wyrwia i na koniec zasadza kopa ! Ino na myslach sie skonczylo , bo co mu zrobia? NIC ! Ale musicie sam psziznac, ze pomysł na wyprowadzynie nos fszystkich we pole miol REWELACYJNY ! 

Za tak niyspodziywane oswionzanie sprawy dostol srogie brawa i mysla , ze niy ino odymie. Domyslom sie , że niyjedyn suchacz sie tysz usmiychnoł. Możno niy jak jo , ale zawsze to cos , a przeca o tyn maly Wasz uśmiych nom sie oschodzi i za niego dziynkuja we imiyniu Gizda i sfojim.

Obiecałach Wom, ze poinformuja o tym jak zakonczyla sie sprawa zdrzadła i karbitki. Zaro na poczontku audycje zaznaczylach, ze jo gyszynkow niy oddom, bo niby czamu jak je dostalach, a Zigus i Aga ni mogli rzondać ody mie ich zwrotu ! Wiec co zrobic by gyszynki wrocily na swoje miejsce , a jo ich nie musiala oddac?

Jako piyrsze zawitały do mie trzi frelki - Danusia, Bozyna i Grace i zaro tysz sie ich pytalach czy mogom podpedzieć jak ta sprawa załatfic , ale żodno z nich chyba niy znala dobrego oswionzanio, bo już sie niy odezwały. Iwonka Posterunkowo zaroski poinformowała co Agi ni ma w doma , ale pedziała gosno, że skoro Gizd  zafsze tyro po cudzych pywnicach to Aga tysz postanowila roz tysciowyj Gizda pywnica pszeszukac. Spodobała ij sie karbitka i pomyslala, ze mie tysz pszipadnie do gustu i sie uraduja, a Gizdym mom sie nie przejmować. Bajtel mi pedziol tak : - najprzod bych szol na kafyj do tyj tesciowyj od Gizda, potym bych pedziol , ze ida do wc i gibko te zdzadlo i ta karbitka zakludziol do piwnicy i by sie zodyn niy skapnol , ze to tam jest, no prawie jakby fto cie pilnował to by bol pech.

Od samego poczontku żol mi było Zigusia. On co prowda tego niy pedziol, ale chyba niy spol i rozmysloł jak ta sprawa zalatwić , a kiedy psziszoł to godo tak : - Yeju ty mosz lepsze kontakty z Gizdym jak jo to mozesz mu wytlumaczyc moje myslenie. Jo od serca chciol Tobie dac wyjatkowy geszynk i tak zech poszol do Gizda z zamiarem i nadziejom, ze cos u niego w pywnicy znojda. Jak godajom u tego co mo lepkie lapki jest zawsze dobrze pozamykane i tak bylo w pywnicy Gizda ! Jo sie tak porozglondol i jedna pywnica byla otwarto i tam zech posznupol i te fajne lustro mi sie spodobalo i jak byla piwnica otwarto to myslolem , ze kozdy moze se wzionc co chce ! Jo zawsze jak cos komus daruja to zawsze jest w dobrym stanie .a przy tym lustrze brakowala ta blaszka do zawieszenio to zech se wrociol i wzon blaszka i te gwozdki , a czy mnie widziol ? Niy mogl mnie widziec , bo tam bylo cima !! Obiecanego klinika posylom. Zigus jednego klinika poslol juz pryndzyj , na pewno z nadziejom, ze Gizd jakoś ta sprawa zalatwi. Trocha mi sie chcialo smioc, ale na prowda bylo widać, że Zigusia to gryzie . Wreszcie psziszoł ziynć sfojij tysciowyj czyli nasz Gizd i zaro we progu godo tak : - No to UWAGA teraz - coby niy przeciongac bardzij tego szpanongu to wom powiym ... albo moze jednak niy ! Niy teraz ! Moze wom to lepij wszystko z detalami wyjasnia na zakonczynie audycji ... coby wom sztimungu niy psuc zaroz na samym poczontku !Bo tysciowo swojom reakcjom mie tak zaskokla skuli tych widocznych i namacalnych brakow we naszyj pywnicy ze jo zaniygodol , braklo mi slow i zaschlo mi w gardle ! Zresztom jak sie dowiycie colkij prowdy o tym co wos czeko - to tysz wos tak zatko albo jeszcze bardzij i naprowda ciynszko bydzie to odetkac i odkryncic . Jo sie wos pytom - trza wom tego bylo ? Afera na sztyry wsie a sztachet w poblizu braklo juz pod koniec tamtego roku ! Ziiiiigus ! To moze na poczontek po kliniku coby gardelka z letka na odwaga zwilzyc ?A  tak wlasciwie to jo mom pytanie do Grejs i do Bozynki czy by niy mogly niy nos ze Zigusiym na jakis czas ukryc ! Na prziklad - jo bych sie przed tysciowom skowol u Grejs we Ameryce a Bozynka by przechowala chwilowo Zigusia w Holandi ! Albo na odwrot ! Ewyntualnie potym by jeszcze na miesionc moglaby nos Danusia w Gdyni kajs przechowac - bo sytuacja moze byc gorko albo nawet fest goronco ! Przeca moja tysciowo sam kozdy aze za dobrze zno i wiy ze do smiychu zodnymu z nos na pewno niy bydzie ! Po tych słowach Iwonka sie chyba znerwowała i mu pedziła co mioł lepij pilnować tyj pywnice , bo do łotfartyj to kożdy może wlyź i bele co wyniyś !

Zaro tysz Zigus sie odezwol : - Jo nikaj ani w Ameryce abo w Holandi niy byda sie chwol bo niy mom sobie nic do zarzucynio ! Moje dzialanie bylo z wyzszych pobudek , bo szukolem do Yeji z okazji trzech latek na naszym radyjku cos wspanialego i wyjontkowego. W zamiarach miolem przeglondnonc Gizda pywnica tak jak on przeglondol moja pywnica i tak mu sie spodobala ta waza kero dol Agnieszce w prezencie. Tyj wazy niy zaluja , bo poszla w dobre rence.  W pierwszym momencie myslolem , ze to jest drugo pywnica Gizda , bo tam bylo duzo starych fajnych rzeczy jakie Gizd zbiyro i to mi sie zgodzo , bo juz go jo dobrze poznol i niych sie przyzno ze to niy jest pywnica tesciowej ino jego,  kero se przywlaszczol. Mysla ze z tego powodu chce sie do Ameryki schowac. Jak teraz przy okazji Tesciowa se dowiedziala to se zas weznie za niego i z jej temperamentem juz teraz Gizda zaluja.

Gizd by niy był sobom jakby niy szukoł okazje co by zas kajs sie za friko pobyczyc. No tosz wykorzystoł okazja, użył sfojich wdziynkow i zwrocil sie do frelek : - A jo tam wola kajs przezimowac i licza na Grejs na Bozynka i na Danusia ! A co sie byda mynczol - jak moga trocha sie pobyczyc ! A wy sie mynczcie i uzyrejcie sie sam z mojom tysciowom sami ! Jo umywom rynce ! Frelki-  jak by sie tak dalo to wykupcie mi bilety na samolot bo statkym to jo raczyj niy moga - bo jo posiadom  ogromny wodowstrynt ! Ta nasza Helga Anymi mo richtig fajny pomysl - brawo Helga ! Postawia na regale zdjyncie moij tysciowyj i na pewno NIC juz niy zniknie ! To wiyncyj niz pewne !  Posterunkowyj dziynkuja ze stoji zawsze po moij stronie !