Coś do poczytonio
Jak powstała Dyskotyka
" Tornado "
To , że Agula dokupiła plac i bez to straciła łoszczyndności sfojigo cołkigo rzycio ryntowego to pszeca niy je moja wina ! Kciala to kupila i to mo słórzyć fszyskim ! My powinni teroski zadbać o rozwoj dyskotyki tak , by Adze ze radosci usmiych ze pycholka ani na kfila niy zniknył, a jusz niy godom by miol ij skfuli nos jaki wos sleciec abo zmiynic kolor na szczybny.
Teroski ty otpoczywej na tym urlopie i sie niy pszejmuj niczym - jo biera fszysko na swoje bary i we rynce - łobiecuja co nic zlego sie tam niy stanie, a jak jusz to oboczysz co po tfojim powrocie we dyskotyce bydzie tyntnic rzycie niy ino nocne ale i dziynne !
Niy wiym czy mi uwierzisz, ale łotpowiydz urlopujoncego sie Gizda na zabityj dechami fsi była gipcij nizli ta...co to sie drapko do klopa tyro - tyraczka ! Zaroski zas sfuj pycholek na mie ozdar! Jo ci godom - ś nim to je pszewalone jak we ruskim czołgu !
Tys ino czekala na tyn momynt - pra ? Co jo sie na kfilka straca , a ty wezniesz stery we te swoje wielgie łapska . Czekalas ino co by swoja gupota ozwiesic nad naszom dyskotykom jak zagle od jakigo zaglofca ! I sie kompac we moij slawie wywalczonyj mojom slusznom pozycjom . Chcesz zapanowac nat rzyciym dziynnym , a tym bardzij nocnym tych niyswiadomych niczego suchaczy . Protokolami toaletowymi sie zasloniosz ! I juz ci sie marzi ta sropka zaruscialo po lajzyniu na okres probny ze morzliwosciom pszedurzynio ! Juz widzisz ta sropka na sfojim palcu , tym srodkowym i we biolych szatach, a mie w ancugu kopidola ! Jurz lotosz wszyndy ze wyciongniytym - pra ? I sie kfolisz po inkszych portalach i cudzych placach ! Mozno by i bolo co z tego jakby Aga niy wydala te oszczyndnosci ryntnicze na tyn dodatkowy plac moim kosztym . Bo to miol byc moj posak ! A tak musza teras czekac arze sie fplywy zwrocom conajmnij kilkakrotnie , coby mie Aga mogla wydac za ciebie bez uszczerpku na potmanyju ! Ja ! I tu wylajzi twoj robaczywy karakter - mie na urlop poslac , a ty jako Pani na mojich wlosciach ! A jak wroca za pora dni - to sie okaze ze jo jest zyniaty zaocznie !
Sam widzisz co łon ło mie mysli i rycy pszi fszyskich zebranych nałokoło i kanciato ! Przi tym sie spiynił jak zgerowany pozimkowy komport ze piwnice! Jak wiysz, jo je blank spokojno i ciyrpliwo slonsko baba , toch tysz blank spokojnie i poleku , co by zrozumiol zaroski mu łotpedziala.
OMUJBORZEJEZDERKUSIEPIERUNIEJASNY ! ! ! Cosz tyn mi to sam poszkryflolil? Ze niby co? JO ! Jo we łosobie wlosnyj kciala mojimi ronczkami na sila ci wyrwac dyskoteka - ta sama na kero to Aga wydala reszta łoszczyndnosci ryntowych? Ty na prowda mie malo znosz ! Jo to bych ci sama jeszcze sfojich morguf dodala jakby szlo. Dzialka mom na tela srogo, ze bych dala bauplac a jeszcze mi na dwa ostalo ! Potym jeszcze mi sam ciepiesz ze lewyj na pojszczednio prawo strona co niby jo kca zapanowac nat biydnymi ludziami skfuli tego, ze ty sie na urlop pojedziesz. Ciekawe co bydzie ze dyskom jak to jo pojada na urlop ! Psinco bydzie, bo jom zawresz do czasu arze jo pszijada ! Marzi mi sie sropka na palcu? Srupka to ty sie fkrync jak mosz tako hyńć , jo mom tczi i styknie , a ty niy musisz sie starać co cie orzyniom zało - czy pszedłocznie bo wola ze tobom łajzic nawet do końco rzicio nizli sie potym oswodzic i zas dodatkowe koszta oswodu ponosic! Domyslom sie tysz jak ciynszko byloby nasz majontek podzielic ! Jósz to sysza - to je moje , psinco je tfoje ! Tego wola uniknyc ! A tyn kopidolski ancuk ostow jak sie bydzie rzynić kere ze tfojich dzieckuf ! Bydzie jak znot !
Jak sam teroski myslisz , co sprawa sie mo ku koncowi to sie mylisz ! Pieronsko sie mylisz ! Tyn łosobnik niy nadarmo zmianowany je jako Gizd ! Niy poradzil na tyj sfojij chudyj dupince spokojnie usiednoć ino durch musi niom telepac, ale ze zlości. Niy tfało dugo jak zas mi sam dachowy osraniec we lokno zaklupoł i podoł brif !
Tyn kopidolski ancuk musza dopiyro sie kupic , a dzieckuf sfojich zynic niy byda - tysciowo mie niy dopusci do tego tymatu , bo wedug nij to dziecka by sie ostaly poduk mie starymi pannami abo mozno nawet i starymi kawalyrami ! Sropka to ty sie fkrync - polecom - Nr piync - jak mosz chync ! Jo widza, ze ty niy ino dyskotykom za moj ciynszko zdobyty posak chcesz sie zarzondzac , ale tysz i colkym mojim majontkym ze mojich niyzliczonych opficie zaopaczonych hasiokow , juz patrzisz tym sfojim zezym co by lepsze koncki do sia zahabolic pot moja osobisto niyobecnosc ! A jak trza bolo znosc miejsce na dyska - tos ty siedziala cicho , a teraz naroz mosz bauplac , abo i czi do dyspozycje pod zabudowy . To kaj zes bola jak Aga moj posak slubny ze sfoij skromnyj rynty emerytalnyj sprzeniywierzola na moje niylucke utrapiynie ? Do uzyskanych zyskow tos prawnie fspulwlascicielka - pra ? Pizze i inksze dobre delikatesy sie maszkycisz co wieczor za nasza kwawica ! A przedtym to wodzionka widolkom jadlas bez colki tydziyn , a krupniok na niydziela bez colko liczno familijo podzielolas . A na tfoje miejsce urlopowe jest jusz dwuh kandydatuf . Oni nawet poradzom korzdego zastompic , to i tys niy je niyzastympno !
To prowda co ni ma ludziof niyzastympnych , a urlop sie skonczy pryndzy niźli by fto myslol. Ciekawe ino jak bydzie wyglondac dyskotyka jak pszijada ? Jednak teroski to co sam naszkryflom to możesz uznac za jakeś czary mary abo zwidy, ale to je prowda , nojszczyrszo jako moge byś ! Jo niysfiadomo niczego ostałach zaśrobiono bez Gizda ! Chyba richtik załocznie załatfil niy ino mie na cacy, ale i slup ! We nocy ze łostatnigo lipca na piyrszego siyrpnia my ostali zaśrubiyni załocznie po czidziestułośmiu miesioncach łajrzynio ze sobom ! Łon som sie ścioroł załocznie we jakiś knajpie , a jo tyn momynt smacznie pszespała ! Obudzilach sie zaśrobiono ! Zanim wyparzil ze chałpy usyszalach co teroski zaro poleca do fsi i byda sie asic ringym ! No i mioł recht !
Jo ni mom zielonoczerwonofiolkowego pojyncio skont łon to fszysko wiy !Skont wiedziol co jo poleca sie poasic mojim ringym ze naszego zalocznego slubu? Skont wiedziol co na kozdziutkim profilu , wele kozdego sklepu, szalfynstra stana i byda pokazowac tyn palec ! No tyn ze ringym, a raczyj tom nakryntkom gwintowanom ze pojszczotka i ze pora szlicami na wiyrchu? Ty ni mosz pojyncio jak sie baby gapili ! ! We jejich loczach niczym w loczach Bazyliszka bylo widac tyn buchajoncy rzar zazdrosci ! One i korzdo s nich ze losobna tysz , kciala na sfojim palcu taki rink miec! To tcza było widziec ! Tego sie slowami nie do lopisac ! Co lodwozniyjsze kcieli go pomacać , a frechowniyjsze nawet prosily na klynczkach co by mogli sie go pszimierzić ! Godom ci, sfiat sie robi coroz to bardzij frechowny ! Fto to widziol coby kciec slubny ring pszimierzac pra? Niy uwierzisz na pewno, co tyn malutki rink tela ludzi oboczylo ! Lon zrobil furora niczym te urlopowe kapelonki , ino ze kapelonki bylo ze daleka widac na mojij boji , a rink pszeca je na palcu . Tela co jo pazura s nim trzimala nad gowom ale to dobrze pra ? Niych ludziska widzom i niych zowiszczom , a jak keros ozerwalo ze zazdrosci to przeca niy moja wina ! Ale musza ci pedziec jeszcze, coch na sfojske loczy widziala jak jedna baba puchla ! Lona puchla ze zowisci we loczach ! Jo niy wiedziala co to tak idzie, a jednak ! Jake te baby som gupie ! Ale ze tyj piontyj strony to sie im nie dziwuja - jo bych chyba tysz byla zazdrosno , mozno niy tela o ring, ale o tego co ij go dol ! Teroski sie rink sciongna i biera sie do roboty.
Jeszcze tak richtik niy skonczyly petardy szczylać po łotfarciu dyskotyki, a jusz Malinka sie zgosila do roboty. Niy tam do pszontanio ! Łona zaroski wyzij cylowała ! Kciala ostac kasjerkom na czorno co by pszedowac bilety i mogla chociosz sie piniondze pomacać skoro łostatnio ni mo inkszyj łokazje. Mo tysz niyłograniczone mozliwosci łozwoju. Ino niy zaznacziła we kerym kerunku. Trocha nos to włascicielof dyskotyki zaskokło, ale jo jako fspolwłaścicielka kozala ij slozić podanie ze potpisami , sztymplami we tczeh jednakobrzmioncych egzymplarzach abo pszinajmnij by dwa byli jednake. Jak zafsze musielimy łostro debata pszeprowadzic bo inacyj byś ni może ! Godom guwnymu szefowi : - Teroski sam je jeszcze problym malinkowy. Niy oschodzi sie o ta malinka zrobiono kombiniyrkami kajs na chyrtoniu ino ta mercingowo. Co s niom zrobiymy ?Mozno ij domy etat tyj od konckof kloppapioru? Tam nawet jak pszedo pszeterminowano fest krauzka drzyma, to ros co malo fto widzi, a po dróge jakby komu zaszkodzilo to mo blank blisko do pszibytku ulgi. Na tako fuszyrka co by nom truc óczestnikof dyski zaroski pszi wlazjowaniu ni mogymy sie pozwolic! Jo rozumia jakby jusz takowy ótczesnik wylajzowoł ! Pszeca mokby sie zatruć bele czym, ino fto kópuje bilet jak wylajzuje ze dyskotyki, ze kina czy bieronc sam pot uwaga wyrzszejszy rygal - ze opery ! Nikaj sie niy płaci za wlajzowanie pszy wylajzowanio to i sam tysz rzodyn jedyn niy kupi bileta ze zatrutom krałskom drzyma pszi wyjsciu ze naszego lokalu a ze ronk naszyj niyotpowiydzialnyj Malinki. Jo niy wiym jako ty , ale tako je moja propozycjo abo sie ś niom zgodzisz albo zaroski dej tyn koncek papiorka malinkowego i sie go órzyje jako łata do potklejynio tapety. Gizd sie poszkrobol po łysych wosach, dźwignyl slatujonce mu ze dupinki potargane łostatnie galoty i godo : I zajs nowy problym, bo mysla co Malinka poszyrzi swoj sortymynt i bydzie pszi nos dorobiac tym ogorkami od Agi co Helga kisi i bydzie tcza kogos zatrudnic do kontrolowanio, a niy stać nos na take wydatki!
Malinka niby tako mało, ze jak kce nom we slypia wejrzeć to musi na podwojno ryczka stanyc, a taki srogi problym s niom momy ! Jo na włosno rynka zaciongła jynzyka blank połufnie i sie dowiedziałach co Malinka je we stanie niy ino na siebie colkim dobrze zarobic , dyskotyka ze duguf wyprowadzic to jeszcze styknie nos na colkim fajny urlop na RODOS ! To niymorzliwe ! Jak łona to niby by miala zrobić ? Morzno richtik trza ij dać szansa ?
Pamiyntosz jak to fszysko sie zaczlo? Kcieli my miec dyskotyka, co by ludziska mieli kaj poskokać , sie spotkać, mozno tysz sciorać i pospominać. Aga sie zgodzila co może łona byś u nij, ale niy kciała ij mieć kosztym piwnicznych bunkruf. Dokupila bałplac na kerym drap stanyl dom ze potczebnymi pomieszczyniami. Pszi łoblywaniu pota i fortki u Agniyszki Gizd bes jakiś tam fstympnych i zbyndnych fstympof i óstympof zaczon larmo jusz od Agusiowego somsiada. Niy godom sam jusz , co psy i suki Agi tysz podwinyli łogony i skowały sie we mysij dziurze. Zaś koziczka łot drugij somsiatki jak Gizda oboczyła to zaroski na rzici siadła , a jusz niy kca sam dodować, co z tego larma padło ji na such !
Od tygodnia cie prosza zebys zalatwiola te urzyndowe pozwolenie na oficjalne otwarcie naszyj dyskotyki - tak zaczon sie drić Gizd bez cołke Nakło - i co ? W dalszym ciongu niy widza tego papiorka na moim biurku ! Wszystko pozapinane na ostatni knefel ! Jest bajeczny wystroj , jest wyciszynie , didzeje przigotowali super muza , ino czekajom na znak , jest odpowiednie oswietlynie , jest bombowo animacja i ekstra efekty ! Jest zaopatrzony bufet po dziurki w nosie , som nowe zmiksowane specjalne drinki na powitanie naszych gosci . Na zewnontrz nasze trzi dyzurne ciotki robiom reklama na colke miasto . Ludzie sie powoli schodzom ! A ty sie bimbosz ! Teraz idz i wytumacz im czymu dyskotyka niy bydzie otwarto w zapowiedzianym czasie ! Poza tym , zawalola tyz Aga , zawalol Zigus , Halinka , Rynatka , Berbelka , Gizelka ,Pamelka nawet Ryzo ! Ze juz niy spomna o tobie ! Aga kajs po lesie loto ufifrano jak niyboske stworzynie , niby to jagody zbiyro ze lesniczym , w poblizu widzieli tyz Zigusia , podobno oba trzi jakis zlom szlachetny zbiyrajom , a Halinka na przeciw za flaszkami i puszkami ze kaucjom sie ozglondo ! I tak to z wami jest ! Miala byc nasza dyska i bydzie jedne sroge wielke psinco ! Krzysiek tyz obiecol pora mixow live zaspiywac , a my nawet nazwy obiektu jeszcze niy momy - suchacze mieli dac jakes propozycje ! Pytalas sie ich o to ? Niy ! Szatnia i toalety tyz bez obsady - i szukej wiatru w polu ! A tak zes sie wymondrzala , ze wszystko mosz pod kontrolom ! Mie jest po prostu ganba za ciebie i za twoja niyodpowiedzialnosc ! A wy mi sam o jakims pocie i kokocie nawijocie !
Musisz sam sie wyłobrazic mie ! Jak jo to usyszała to wy mie pieron tczas! Podanie downo lezało na jego starym, zagraconym stole co łon zwie szumnie biurkym. Wcislach mu go pod kinol coby dokladnie widziol co tam stoji. No i poczytol ! Po potczytaniu decyzje we keryj stoło gosno i wyraznie napisane co guwny wlasciciel to je Gizd zwany czasami karelkiym ze chalpy Cudzy a fspolwlascicielkom je Oberxa yeja z chalpy Wymoczek - Gizda dzwiglo ze zydka i zaczon sie dric No i mosz babo placek kurzi, gynsi , krowi , łokrongły i kanciaty ! Skfuli tego co fspułwłaścicielka czyli jo we sfojskij łosobie niy kciała gyszefta na społa ze tyściowom, a Gizd sy mnom, pszewodniczoncy zwołol tajno narada na sfojich ździepko ścioranych flizach. We naradzie tyj udział wziyny fest zainteresowane sprawom strony . Jak po kozdyj naradzie ostoł spisany protokoł - potpisany, podsztymplowany i podany do publicznyj wiadomości
Jo nizyj potpisany - pszewodniczoncy Szczebla Wyrzszejszego ze kanciapom we Hannover i Bp Laziska ogloszom sam fszyskim zebranym co nastympuje.Fczora we godzinach wele nieskoropolnocnych ostała podano do publicznyj wiadomosci decyzjo we sprawie pozwolynstfa na lotfarcie dyskoteki we Batnakle. Pozwolynstfo to ostalo wydane na dwie łosoby - Karelka Gizda dlo tysciowyj Cudzy i Oberhexa Yeja Emilia z chałpy Wymoczek i ostało otczytane na gos pszi fszystkich zebranych. Rzodyn ze zebranych ni mioł rzodnych zastszerzyniof łoprocz tych , na kerych te pozwolynstfo ostalo wydane. Guwny prowadzoncy zaroski mioł jakes wonty co do fspułwlascicielki i pszi fszyskich łoglosił sfuj sprzeciw. We oficjalnym pismie naszkryflol : " Co ty godosz ? Ze tys jest wspolwlascicielkom tyj moij dyskotyki ? To jo rezygnuja ze moij polowy na rzecz moij rodzonyj tysciowyj . Jo i ty niy mogymy prowadzic takigo gyszeftu rozrywkowego ze roznych wzglyndow . My momy rozne temperamynty i po piyrszyj dyskotece bydzie tam tak wyglandac jakby przez Batzniklo Tornado przeszlo ! W dodatku skodom sprzeciw ! Jeszcze niy wiym skuli czego , ale wiym ze niy jedyn !" Jak sam stoji czorne na biolym guwny prowadzoncy niy kce przijonc wydanego bezy mie postanowiynio. Po skonczonym sam spotkaniu obu zainteresowanych jo wezwol łosobiscie na moje sciorane zdziepko flizy i zarzondoł wyjasniyń łot łobu stron. Kozde ś nich niby to starało sie dolyś do wspulnego mianownika , jednak tego za pierona niy poradzili znolyż. Debata tfała do godzin nieskoronocnych , a tak richtik do fczesnorannych i skonczyła sie jednom wielkom niywiadomom. Rozwarziłech tysz propozycjo Gizda w keryj to proponuje fspułwlascicielce chodzynie na powaznie bez colki miesionc jako okres probny. Ta zas take łajzynie uznowo za darymne, bo łona niy bydzie łajzic miesionc ze guwnym prowadzoncym ino dlo jaj ! Tcza sam psziznać co baba wiy czego kce, co niy zmiynio fakta, ze dalij niy wiym jako decyzjo sam podjonć. Pozwolynstfo na prowadzynie dyskoteki o nazwie TORNADO je narazie zawieszone do czasu arze te dwa o kerych mowa je wyzij sie dogodajom , a we razie jak to niy nastompi to prowadzynie dyskotyki powierza komus inkszymu bez prawa do jakichkolwiek zmian i niyodwołalnie. Data - 30 lipiec 2016 godzina 5.30 - gynal jak zapioł kokot harbolowicki
potpisol - Gyniusz Szarpidrot - pszewodniczoncy Rady Szczebla Wyrzszejszego ze kanciapom we Hannover i Bp Ł
Pszewodniczoncy tyn protokol kozoł na gos podać do wiadomosci łogułu zebranego, co zaś sie niy spodobało Gizdowi ! Godom ci co ze nim to fafnoscie sfiatuf to je blank za malo ! Zas sie dar na colke jusz Badzniklo - ja Zniklo we noc kedy trfały obrady ! Pszet tym larmym to colko wies tysz wolala sie skowac ! Wadzili sie cołko noc ! Pobliske ludziska wykupili we łokolicznych japtykach nałokoło 50 kilomyjtrof fszyske sztopery do łucholof by mogli usnyć chociosz na pora minut, a te wadzili sie do godzinof nieskoronocnych i wcześnoporannych! Guwny właściciel sie ciepoł co jo mom byś fspułwłaścicielkom ! No to sie sam ciebie pytom - KIM jo miała byś ? Czy to jo sama na sia decyzjo wydała? To pszeca było jak wyrok śmierci ! A fto pszi trocha sprawnym rozumie som na siebie tako sztrofa wydo? Pszeca decyzjo psziszła ze dwuch niyzalerznych ot siebie powiatuf i to jeszcze ze siedzibami we dwuch roznych panstfach! Pszeca chyba mi sam uwierzisz co jo we colkim sfojskim rziciu niy kciałaby ze Gizdym robić gyszeftu ! Łon sie tysz festy osciepoł jak żaba na giskanie !
Ty Yeja - osobiscie odpowiysz w trybie natychmiastowym za ujawniynie protokolu ze tajnego nocnego posiedzynio nad ranym - w ramach prywatnyj dyskusji pomiyndzy stronami we kerych byly poruszane sprawy wagi bardzo waznyj i wyjontkowo wyjontkowych ! Przi okolo 26 swiadkach ujawniolas nieoficjalne dane , w zwionzku z czym jo odwoluja moja propozycjo chodzynio z tobom , na powaznie , na polpowaznie , do jaj sadzonych i na miynkko ! A wszystko skuli tego ze jo chciol dobrze do naszych suchaczy , co by niy musieli daleko lajzic w celu wykozanio ochoty na potancowanie bez synsu - i nawet bez partnera ! Agniyszka za mojom zgodom dokupiola srogi plac za domym , ze swoich wlasnych oszczyndnosci ryntowych , moim kosztym . Wystosowałach do Gizda brif łotfarty - a co ? Niych mo i niych wiy co jo ło tym fszyskim mysla ! Mie muterka we kapuście niy znojdła co bych miała we boji głomp zamiast ździepka zwojuf muzgowych ! Pychol tysz poradza łotforzić poziomo, a jak tcza to i pionowo ryczeć tysz poradza . Ino że Gizd japa ozdziyrać tysz poradzi ! Jak sam widac to niy ino rycy jak lef ale tysz sie łotgrozro, a to je pszeca karalne pra?
Ze Gizdym to tak zafsze i łot zafsze ! Jak co je niy tak to szuko łofiara i na nia zwalo winy sfoje i niy ino , bo i łot tysciowy tysz ! Mie kce wmowic , co jo to niby wypaplala protokuł ze tajnego posiedzynio nat ranym, a we kerym to brali udział strony zainteresowane! To niy jo tyn protokoł sam wywlokła na swiatło niy ino dziynne, ale i wieczorno-nocne! Pszewodniczoncy som podol go na tacy , bo sie nie poradził ze nami dac rady ! Oczekiwoł poparcio ze strony łosub fest postronnych.
Skfuli jego protokoła łotczytanego na gos Gizd serwoł łajzynie sy mnom na powaznie , na polpowaznie , do jaj sadzonych i na miynkko ! Jego łobiecanki-cacanki co pszedórzi łajrzynie ło miesionc to miało byś niby we jakim celu ? Kce zedrić zole we sfojich łostatnich potarganych zandalach i moje prawie nowe polszpilki pra? Łosfiatczom ci tysz, co jo fcale niy myslała co by kupowac biołe szaty we wiadomym celu, a tym bardzij narorzać go na kupno żałobnego ancuga ! Jakby jusz sie ozłaziło o struj na uroczystość no ta.... na dalszo szrutowo droga żicio to skfuli mie moge sie isc we spodniokach we kfiotki , a jo bych założiła majtole ma houzyntreglach ! Pszeca miloś i tak je ślepo to niy widzi co fto mo łoblecone ! We noc poślubno pszi swiatkach po pszekontnyj te łoblecze i tak by lerzało na zolu ! Moja muter by ni miala jusz nic do godanio ze wiadomych powoduf ,a Gizda rodzono tysciowo na pewno by mu dala kszirzik na droga ze szczynscio ! Ale niy ło to sie sam hyba rozłajzi ! A morzno łon niy kciol fcale sy mnom łajzic ino zaroski mi wrazic ? Wrazić zaruscialo nakryntka na moj palec ! Niy wiym jak sie tyn palec nazywo, ale Gizd wiy kery pra? Jednak nic ze tych , ani ze tamtych rzeczóf ! My mieli ino sie dogodac we sprawie prowadzynio dyskotyki. Mysla co we koncu koncuf ta sprawa momy ustalono ku zadowolniyniu niy ino pszewodniczoncego , ale i fszyskich hyntnych kconcych sie we tyj dyskotyce pobawic.