Latym urzondzomy wycieczki , pikniki pod golym niebym , szalejymy na basynie , wieczorami grilujymy , spiywomy , tanczymy i niy domy spac somsiadom ! Kej nadyndzie jesiyn ze dugimi wieczorami to sie zbiyromy i deptomy kapusta i szkubymy gynsi  robiymy przetwory , zapelniomy piwnice przeroznymi zapasami , grabiymy i zbiyromy liscie , pakujymy je do worow i wywozymy na miejsce zbiorki -  a we wolnych chwilach organizujymy wspolnie wesole ogniska z pieczonymi kartoflami z pola naszych somsiadow i z wusztami na patykach . W zimie czynsto momy  zabawy na sniegu , bitwy na sniezki , konkursy na nojwiynkszego balwana , kuligi w zaprzyngach konnych , w mrozne wieczory siedzymy wygodnie na miynkich lawach , grzejymy sie przi kominku i przi pachnoncym gozdzikami  grzonym winku ! Nasze panie zawsze uraczom nos czyms smacznym - za co dziynkujymy przede  wszystkim naszyj Agusi z Bad Nakla i posterunkowyj Iwonce kero jest zawsze na miejscu i dbo o to zeby wszystko odbywalo sie w jak nojlepszych warunkach . Za pomoc w przygotowaniach wypiekow i innych smakolykow dziynkujymy tyz naszyj Krysi z Hagen , dziynkujymy tom drogom naszym gosciom za dobry humor , za super pomysly i za praktyczne rady na kozdo okazja . Wymiynia tu na poczontek nasza Gizelka harbolowicko z Norbetym , Gizelka ajblingowsko ze Sztefanym , Ania i Pyjtra z Raubling , Helga i Joachima z  Gütersloh , jeszcze roz wymiynia tu  Agniyszka , Krzyska i Iwonka z Bad Nakla , Zigusia i Krysia z Hagen , Alfonsa z Urszulkom ze Crajlsheimu , nasza Grejs ze drugij polkuli I Gabrysia z Leszczyn - danke godomy tyz i pozdrowiynia przesylomy do naszyj Eli kajecistki i Johana z Oberhausen   pozdrowiomy tyz Gabi szatniarka z Jedynakym i Mikolaja , lecymy tyz do Hyni Pamelki z Münster do  wesolyj Rynatki z  ... do Berbelki i Hajnelka  z ...  , pozdrowiomy tyz Basiynka i Pyjtra z Cisek jak tyz naszego Paulka ze  Aurelkom i ich dziecka z Toszka kere czynsto u nos goszczom , no i blank serdecznie pozdrowiomy szefowstwo Anetka i Rafaela z Hannoveru . Pozdrowiomy reszta redakcji i wszystkich niywymiynionych suchaczy kere nom towarzyszom mnij albo wiyncyj aktywnie w naszych audycjach .Wszystkim godomy serdeczne dziynki za te TRZI WSPOLNE LATA -  za to zescie som i ze chcecie u nami byc . Ze colkich naszych serduszek dziynkujymy wom zescie som z nami na dobre i na zle , na smutno i na wesolo , w sloneczno pogoda i w mrozne pochmurne dni .Dziynkujymy wom za uwaga i za wasze owacje - od tyj chwili Fajer uwazomy za otwarty !

W rytmie walca rozpoczął sie nasz fajer. Gosci przibywalo ku naszyj radosci a zyczyniom niy było konca. Były tance na parkiecie i były tance tysz na tynczowym lodowisku. Gizelka ajblingowsko zoglowek , kery dostala na poczontku rajzy tera miala okazjo wykorzystac i kedy praskła na lod , zogloweczek sie rozerwol wysypujac cołko zawartosc srebrzacych sie gwiozdek, kere rozswietliły ij droga na bioło sala.Zigus podszedl do mie i go : - Yeju mom do Ciebie niyspodzianka Jo bol w Piwnicy od tesciowy Gizda. Tak zech popatrzol i posznupol w tej pywnicy i mi sie spodobalo takie stare zdrzadło i zaros zech pomyslol o tobie i ci je podarowac chca. Tam zodnego niy bylo no to zech je spakowol z myslom ze zodyn juz go niy potrzebuje. Bylo trocha zakuzone jo je obczysciol a ze jest dosc wielkie to Ciebie jeszcze dlugie lata bydzie sluzyc. Ni mocie pojyncio jak jo sie uradowała z tego gyszynku, bo lubia take antyki.Za chwila po Zigusiu psziszła Agniyszka i godo mi tak: - Yeju, jak Ziguś taki do przodu, jo tysz niy chca byc gorszo... Wiesz co ... wytargalam z tysciowyj piwnicy Gizda karbitka... co ty na to ? Cieszyłby cie taki geszenk ? Kszysiu jom odkurzyl, wypucowol , jo fajnie opakowała...wyglondo fajnie. Jakbys chciała to i trocha karbitu ci dołoża to bydziesz mogła z nij korzystac.Uradowol mie tysz tyn gyszynk na prowda ino sie mysla czy czasym  Gizd sie nie kapnył , ze czegos tam brakuje, ale rachowala sie dobro wola ofiarujoncych. Za jakes pora minut Zigus pszileciol jeszcze ros i godo : -  Yeju teraz mi sie przypomnialo, ze w tym rzadle braluje tako blaszka na kery te rzadlo sie powiesza. Bolem w pywnicy i ta blaszke ci posylom a do tego jeszcze dwa pasowne gwostki do przybicia tej blaszki.No i tak jak zech przewidziala - tego momyntu Gizd juz niy przeoczył ! Chycil Zigusia na gorkim uczynku ! Zaroski zaczał gosno wolac : Ziguuuuus ! O szczegolach i o colkij reszcie pogodomy przi swiadkach na osobnosci przi nastympnyj okazji ! Tysciowo juz obmyslo plan akcji ! A ona jest dobro w taktyce indianskij ! Niy na darmo godajom ij Ana paczi !Agusiu - ty sie juz mozesz pomalu w okopach zapasy robic  a komputer bydziesz sie do karbitki podlonczac - moze zasiyng bydziesz miala jak zaiskrzy !

Jo na prowda sie boja co to bydzie jak sie spotkajom łoko we łoko te co gyszynki mi dali ze ziynciym tysciowy !  Jo wiym jedno - jo gyszynkof niy łoddom ! Jo je dostała , a co mie łopchodzi skont one som ? Zigus i Agusia ni mogom tysz zażondać ich zwrota, bo przeca godajom - fto dowo i otbiyro to sie we piekle poniywiyro. Jak sie sprawa zakonczy ?  Poinformuja Wos w osobnyj Kronice.

Do fajeru żech sie rychtowała pora dni pryndzyj, a som pomysł kaj go zrobia psziszoł mi zaro po śfiyntach.Czamu po śfiyntach? Bo Gizd mi posłoł cołko armia bałwankowych gościow na śfiynta i musiałach ich kajś ulokować. Wtedy psziszoł mi na myśl Pałac Lodowy. To miyjsce w sam raz do śnieżnych gości. Skoro Pałac Lodowy był wolny, bo goście sie juz wykludzili to czamu niy wykorzystać go na fajer?

Stykło ino ździepko włonczyć łogrzywanie, zrobić dekoracjo na ta łokazjo i tela. No i psziszoł wreszcie tyn dziyń ! Punktualnie o 19.00 wlazłach na antyna radioka by powitać dostojnych gości.

Zaproszom wszystkich na przijyncie z okazji moij trzeciej Rocznicy jak zech tu jest razym z wami , a ze momy ostatnigo stycznia czyli zima w pelni - to mom zaszczyt zaprosic wos do Zimowego Palacu zbudowanego z czystego przezroczystego lodu . Palac jest polozony w niydalekij odleglosci od Oceanu Szczynscia . Dowiezie nos tam zaprzyng sniezno biolych san polonczonych ze sobom i zaprzynzonych w bajkowe renifery , przistrojonych w  krysztalowe malutkie dzwoneczki , a powozic bydzie osobiscie Swiynty Mikolaj , kery mi som to zaproponowol jako prezynt na te moje trzi latka na radiu sr24.Droga jest dosyc dugo - ale wcale niy nudno , bo w czasie jazdy mogymy podziwiac cudowne bajkowe zimowe widoki , zmiyniajonce sie w dole pejzaze i pasma gor pokryte swiyzutkim puchym sniegowym , a w gorze mogymy sie zachwycac  posiadlosciami Pana Ksiynzyca do spolki z panym Twardowskim  i liczne - jasno oswietlone zabudowania Gwiazd i Gwiazdeczek . Kazdy z nos dostanie na droga poduszka w ksztalcie chmurki wypelniono snieznymi gwiazdkami , kero mozecie rozpruc i jej zawartosc rozsypac w dowolnym miejscu .

U stop przezroczystych schodow z rzezbionymi dekoracyjnie  lodowymi porynczami Zímowego Palacu  powito nos para przemilych rozowo - niybieskich Balwankow , kere kozdego goscia prziwitajom osobiscie , po prziwitaniu  zaprowadzom nos do specjalnie ogrzywanych komnat oswiytlonych krysztalowymi bocznymi kandelabrami a ponad nakrytymi odswiyntnie stolami miyniom sie obszerne krysztalowe zyrandole . Na stolach  przygotowane som roznego rodzaju zimowe , smaczne  potrawy . Obok jest przygowany parkiet taneczny  na kerym ksiynzycowo orkiestra na prziwitanie  przigrywo nom ksiynzycowe sonaty .Teraz  obsluga przebrano za Gwiazdki sniegowe na krysztalowych tacach wnosi i podaje kazdymu krysztalowe pucharki z lodami o kuszoncych  kolorowych smakach w roznych polywach , z czekoladowymi wiorkami ozdobionych blynkitnymi sopelkami i kandyzowanymi wisiynkami . Nastympnie podane bydom aperitify z mocnych alkoholi z owocami cytrusowymi kere niy ino rozgrzywajom najbardziyj zimne serca , ale wzmacniajom apetyt na nastympne potrawy . Kiedy orkiestra przestaje grac - wtedy wyraznie slychac wesolo podzwaniajonce delikatnie girlandy z lodowych krysztalkow .  

Dla bardziej wytrawnych amatorow tanca na lodzie  - w sali obok jest przigotowane tynczowe lodowisko - na kere serdecznie zapraszomy tych kerzy lubiom takie romantyczne scenerie o przycmionych swiatlach , ozdobione dookola zimowymi  kwiatami o rozpiyntosci kielichow wielkosci parasoli o niyspotykanie upajajoncych zapachach ! Zyczymy cudownyj zabawy i zaczynomy nasz zimowy bal .

Zaro po moim wstepie zabroł głos Karel Gizd , kery to rowne trzi lata tymu - przisziol sam zy mnom. Dol mi kopa na szczynscie i godo WŁAŹ ! No i tak wlazlach sam do wos razym z nim. Sporo pomyslow na audycja on mi podpowiedziol - czasami w jednym slowie kere jo poradzila wykorzystac . Kedys mi pedziol - jo sie boja nawet co pomyslec bo ty i moje mysli wykorzystosz. To prowda, ale to ino po to by wom i nom zrobic szpas. Z tego miyjsca dzisioj mu dziynkuja za to ze sam je , za pomysly i za wspolno zabawa. a co dzisioj godo to juz wom czytom 

No i patrzcie ludzie - ani sie zodyn z wos dobrze niy obejrzol a juz trzi lata minyly jak my oba ze Yejom sam po nerwach prziszli wom grac .Trzi lata tymu wpadli my sam we niydziela pod wieczor i zaroz my wiedzieli ze to bol bardzo trefny wybor . Na prziwitanie dostali my mnostwo gyszynkow od wos kere juz na zawsze bydom zajmowaly  u nos honorowe place . Za te trzi lata zdonzyli my u wos zrobic przemeblowania , u niejednych my pobulyli niypotrzebne poty , ogrodzynia , sciany , kominy i schody ! U niyjedych z wos splondrowali my pywnice i regularnie co pora  dni oprozniomy wasze bibliotyki ze wszystkich swiatowych dziel i nawet te biole kruki znikajom kere chowiecie przed nami na czorne godziny ! U jednych polecialy szyby a u inkszych nawet nowe drzwi trzeba bylo wstawiac co by bolo co zawiyrac . Wiela razy my lodowki i hasioki w kilku miejscach rownoczesnie oprozniyli - tego zodyn niy zrachuje ! A co my napohali to ganba sie prziznac . Ale jako suchacze poradzymy tyz byc czasami blank powazni np wtedy kedy momy zajyncia na naszym Uniwersytecie Trzeciego Wieku - wtedy solidnie sie przikladomy do nauki  i bierymy aktywnie udzial na kozdych zajynciach jak tyz w nojtrudniejszych egzaminach , oprocz spiywu i gimnastyki ! Wspolnie z  wami a przede wszystkim przy pomocy naszych specjalistow pod okym naszych majstrow Zigusia z Hagyn , Alfonsa ze Crailsheimu i Witusia ze ze Zobrzo urzondziyli my sie sam nasz Paradis i jest nom wszystkim tak dobrze - ze dobrze nom tak ! Programy momy dostosowane do odpowiednich porow roku ! No i  tak - wiosnom duzo przebywomy razym na swiyzym powietrzu przekopujymy grzondki siejymy i grabiymy w ogrodach , spacyrujymy w parkach , w lesie  i podziwiomy jak wszystko sie zielyni , kolorowo zakwito i lapiymy piyrsze niysmiale promyki slonca . Latym urzondzomy wycieczki , pikniki pod golym niebym , szalejymy na basynie , wieczorami grilujymy , spiywomy , tanczymy i niy domy spac somsiadom ! Kej nadyndzie jesiyn ze dugimi wieczorami to sie zbiyromy i deptomy kapusta i szkubymy gynsi  robiymy przetwory , zapelniomy piwnice przeroznymi zapasami , grabiymy i zbiyromy liscie , pakujymy je do worow i wywozymy na miejsce zbiorki -  a we wolnych chwilach organizujymy wspolnie wesole ogniska z pieczonymi kartoflami z pola naszych somsiadow i z wusztami na patykach .