wszyscy niywinni, sprawa jest , a winnych ni ma 

 W takim przypadku Ania raublingowsko kero w tyj sprawie wystympuje pod pseudoniym " Nabywca " musi zwrocic wymiynione przedmioty , kere jednak nie powrocom do poprzedniego Zigusia , ani do zodnyj innyj konkretnyj osoby !   Sprawa jest wyjasniono polowicznie : bransoletka w trybie przyspieszonym ostanie przekozano do naszego laboru w celu stwierdzynia jej przipuszczalnego pochodzynia jak tyz ewyntualnyj wartosci .Zigusia proszymy o natychmiastowe przedstawiynie nom do wglondu certyfikatu w oryginale w celach analizy porownawczyj .W dalszym ciongu jednak niy posiadomy nojmniejszych sladow po zygarku kerego zodyn do tyj pory niy widziol naocznie i niy wiadomo czy on wogole istniol i czy kedykolwiek miol okazja powywijac wajzrami ?Yeja - ty prowadz dalij sledztwo przi kerym asystuje ci Posterunkowo Iwonka , a colko dokumyntacjo dokladnie zapisuje kajecistka Ela ! Jo sie chwilowo oddalom w strona Laboratorium zeby tam  dopilnowac analizy warstwowyj i zeby osoby postronne niy mialy najmniejszego wplywu ani dostympu do sfalszowanio faktow !Ale jakos tak - jak sam patrza na calosc to mi wychodzi na to ze winny jest  - Jozin z Bazin 

P.S. Grejs tyz cos ukrywo - najprawdobniyj u Krystyny w Krakowie , o keryj slysza piyrszy roz ! Grejs poprosza o podanie blizszych szczegolow na tymat Krakowa !No a teraz suchom zeznan Gizelki i wyczuwom , ze ona na pewno cos ukrywo , bo zapewnio ze niy wiy o co chodzi , ale wiy ze chodzi o zygarek ! Gizelkom zajmnymy sie w osobnym rozdziale !

Kiedy trwaly badania we labolatorium napiyncie roslo ! Nawet biydno Gabryska, kero sam prziszla piyrszy ros byla tysz podejrzano, ino jo stanyla we jeji obronie co by frelka niy wystraszyc na samym poczontku ! Wolalabych jo sama ostac oskarżono. Agusia zmynczono poszukiwaniami byla we stanie wina wzionś na siebie! Ino czamu mieli sie prziznowac te, co byli niywinne? Ania raublingowsko tysz zmynczono tym fszyskim pedziala : -  Yeju ile raz mom godac , ze ten zygarek dostol w calosci Gizd !! i oswiadczyl ze to bydzie prezent, a ze zas sie stracil to chyba jakies diabli go wzieli !!! Ta moja keta jest 100 % tombakowo , ale chetnie dom ja jeszcze do analizy. A w naszych kapsach nic co nawet kolo zygarka moglo lezec nie posiadomy. Jasno to wyjasnilach ? Przeca jest powiedziane , ze w przyrodzie nic nie ginie ale zmienio wlasciciela to szukomy dali OK ? "Zigus zrezygnowany tysz zgodzil sie wina wzions na siebie. Co prowda certyfikat zapomniol przi sprzedazy dolonczyc do zygarka, ale to wyszlo nawet na dobre, bo jakby jeszcze i tyn sie stracil to jest pewne, ze gyszynku by Krzys nie dostol ! Gizelka ze Sztefanym tysz juz mieli dojs tego napiyncio i podejrzyn i nawet wniosla pozew o uniewinnynie skuli niyłobecnosci na licytacji. Ino sam je pytanie - kaj byla wtedy jak jom niy bylo? We miyndzy czasie jak trwaly badania labolatoryjne Ania oswiadczyla, ze przelyw za zygarek poszol ze ij konta na rzekome konto Zigusia czego on osobiscie do tera niy potwierdzil ! W takim razie komu Ania zaplacila ? Kaj som piniondze ? 

Po dugich  badaniach i fest napiyntyj sytuacji wreszcie wyloz Gizd ze kanciapy laboratoryjnyj i zaro we progu godo : -No i doigraliscie sie ! Lecom nastympne wezwanie do kolegium ! Wezwane bydom jako nastympne po Agusi - Ania i Gizelka ! I brano pod uwaga jest Gabrysia z Leszczyn i jeszcze kilka nastympnych osob ! W dodatku teraz Zigus twierdzi ze zygarek jest JEGO ! A Ania niy chce udostympnic wyciongu z  konta o przekozaniu kwoty i danych sprzedajoncego ! Yeja - tys jest neutralno ? Czyli jo w to bardzo wontpia ! Moze tobie by sie tak blizyj przijerzec z bliska ! I tak powoli zblizomy sie do konca wyjasniynio zagadki - kto sie okaze winny ? Widza ze wszyscy tu som wystraszyni i cos majom za uszami ! Aga szykuj to co jo wygrowol - bo zygarek jest juz prawie w zasiyngu rynki razym z winnym ! A o co ty sie zy mnom zalozolas ?Powiydz drap i bardzo gosno zeby wszyscy slyszeli ! Tak jak Aga pedziala - wszyscy niywinni, sprawa jest , a winnych ni ma ! Ale juz dobiegomy do wyjasniynio zagadki.

Fest spozniono prziszla Gabi prosto ze szatnie i zaroski pedziala - NIYWINNO ! Na jakij podstawie ij mieli my wierzic? No ale dalij godo tak: - Dobry wieczor godom blank gosno na wszystke strony do twojigo sitka! Czy bolo mie wszyndzie dokladnie slychac? To suchejcie co wom teraz powiym: dochodzynie w sprawie deliktow mogymy uznac za zakonczone a akta jak tyz inksze raporty i zeznania swiadkow mogymy spakowac,zabezpieczyc i schowac ad akta! Elaaaa,Elusia! Slyszalas?To jest twoje zadanie i jo tego za ciebie niy zrobia! Teraz jo sklodom moje zeznanie na rynce generala prowadzoncego ta pomotlano sprawa. Podug waszyj czwortkowyj prosby przemyslalach sie w co my byli obleczone w dniu licytacji. Otwarlach szrank i przekopalach wszystke kabzy i zakamarki w tych rzeczach kere wydaly mi sie podejrzane.Przeszukalach nawet pojymnik ze brudnom bieliznom i zajrzalach do pralki.Nadsuchiwalach czy kajs cos niy tiko. No i musza wos ozczarowac,niy znodlach nawet jednego ogniwa po zlotyj kecie i ani jednyj konkretnyj wskazowki od tego antycznego zygarka. Siadlach sie zrezygnowano,bo jo tesz bardzo chciala ta sprawa wyjasnic,rozwionzac i byc ta nojwazniejszo choc na tyn jedyn wieczor.Ale godo sie trudno,posiedzialach chwila i poszlach do kuchni zaparzyc sie ziolka uspokajajonce. Po drodzie potklach sie o cos w polmroku.Wrociolach sie co by to sprzontnonc z drogi.To byl worek mojego Mikolaja kery spadnol ze pawlacza jak przeszukiwalach szafki.Wziylach rozmach coby go tam nazot wciepnonc ale tam cos bylo.Pomacalach i zajrzalach do worka.A tam znodlach fajniscie zapakuwany gyszynk.Elegancke pudelko w eleganckim papiorze przewionzane eleganckimi szlajfkami.Wolom Mikolaja i godom mu ze w worku ostol mu jedyn niydorynczony prezynt! A on mi na to pedziol tak:ze to jest prezynt na jutro,kery mo wrynczyc oficjalnie Krzyskowi ze Badnakla we imiyniu Zigusia,Ani,Yeji,Gizda jak tysz Iwonki i tego Haderloka bez kerego otrzimol ta paczka w tajymnicy,bo to mo byc Niyspodzianka. Niniejszym oglaszom ze sprawa zostala doglymbnie wyjasniono i mogymy uznac ze sprawy niy bylo a gyszynk w postaci zygarka ze zlotom ketom dotrze na czas pod podany adres i do osoby do keryj jest przeznaczony. Ciesza sie ,ze jednak mie udalo sie szczynsliwie zakonczyc ta przikro sprawa i ze to mie dzisiejszego wieczoru nalezom sie brawa . 

Co sie w tym momyncie dziolo to sie ani nie poradzicie wyłobrazic ! Co rusz na zol ślatywaly kamiynie ze sercow na znak ulgi, że jednak ta tak dugo poszukiwano cebula sie znojdla i wszyscy cuzamyn zaczli bic brawa. Brakowalo ino petardow !Ania piyrszo ze radosci podskoczyla : - Yeju !!! kamien z serca mi spod i moga spokojnie na biolo sala sie pakowac. Nastympny byl Zigus :- Yeju kamien z serca nom spadnol i ciesza sie, ze poszukiwania pomyslnie sie zakonczyly dziynki Gabi i slectwem Gizda mogymy poszukiwania zakonczyc i gyszynk pakowac Przed spakowaniem jeszcze dolacza takie dalikatne szmatki i pasta do pucowania jak tyn zegarek bydzie opalcowany bo tego juz niy potrzebuja. We Bad Nakle z radosci sfiyntowali colko noc , a jo ...jo zaczla sie tak jonkać zech bez trzi spiyfki nie poradzila sie ze szczynscio spamiyntac,  dopiyro zasadzony bez Gizda kop mie postawil na bacznosc i udalo mi sie wszyskim piyknie podziynkowac we jego i wlasnym imiyniu - Dziynkuja wom za ciyrpliwosc i za uczestniczynie w tyj ciongnoncyj sie i skomplikowanyj sprawie i za to zescie ostali z nam do zakonczynio ! Teraz zapraszomy wszystkich na piwko i klinika ! Gyszynk jest w komplecie i fajnie zapakowany i dotrze na czas pod wskozany adres ! Dziynkujymy wszystkim zainteresowanym za wskazowki  ze szczegolnym wyszczegolniyniym Gabi Szatniarki i Mikolaja ! Teraz godomy wom dobranoc i do  nastympnego sledztwa . Spotkomy sie kajs po drodze ! A kaj ? Patrzcie na ramowka ! 

27 grudnia roku panckigo 2018 na licytacjo niytrefionych gyszynkow trefil antyczny zygarek ze ketom, a dol go do zlicytowanio Zigus. Co prowda niy byl to niytrefiony gyszynk, ale jak pedziol Zigus "Chca tysz cos na aukcja wystawic to mom taki stary zegarek na kecie kery u mnie juz lata lezy to komus se spodobo , a moze Krzysiek od Agnieszki wylozy niemalo suma , bo on co jo wiem luboje sie w takich starociach. Jaki stary jest ten zegarek to niy wiem ale powiem , ze jo go na slubie dostol, a jest to juz ponad 40 lot temu. Jest nakrencony na maxsa i niy chce ruszyc. Cyna wywolawczo to25 €. " I licytacjo ruszyla pelnom parom.Gizd niy byłby pszeca sobom jakby niy szukol zysku. Pedziol :- Zigus godo  ze zygarek jest nakryncony na maksa - ale niy chce ruszyc ? Przeca jo bych tyz niy ruszol - jakby mie na kecie trzimali ! To jo ta keta biera dobrowolnie , bo ona mi pasuje do tego MOJEGO cicika ! A jak zygor sie od kety uwolni to bydzie lajziol jak jo po dwoch halbach ! No to po kliniku i jadymy dalij !Ania - za co ty chcesz te 10 € dac ? Za te sprane kalysony kere pamiyntajom zima stulecia w 1972 roku ? Wiysz co Aniu - dociep drugo dycha i bierymy na pol tyn zygarek od Zigusia zanim nom go kto sprzed nosa sprzontnie! Tyn zygarek by my podzielyli rowno - jo biera ta polowka od pol szostyj i bimbadelko , a Ania i tak niy mo czasu na niego zaglondac , to na razie jo bych go nosiol - ale bez kety ! 

Sprawa zygarka ucichla na chwila , bo to i Silwester i szaty trza szukac, ancugi rychtowac. Potym był kulig w kerym udział brali prawie wszyscy. Musza sam spomniec co kulig odbył sie szostego stycznia , a Gizd wpod i godo : - godejcie jak zescie spyndziyli Sylwestra , bo jeszcze my niy mieli okazje na tyn tymat sie sam pogodac !Jo tam za duzo ze Sylwestra niy pamiyntom , ale wiym ze po polnocy - jak my sie juz poskodali zyczynia i wystrzylali my wszystke rakety i inksze granaty - to za wykonanie lambady solo w stylu rokyndrola zajol zech bezkonkuryncyjnie wszystke trzi piyrsze place , a na bis zaprezyntowol zech twista w stylu dzajfa powionzanego ze latino - w rytmach kantry  za kerego dostol zech Oscara - to taki drink po kerym  szlapy same sie do rytmu uginajom  i te co byli jeszcze jako take na chodzie - to pedzieli mi ze Drzon Trawolta przi mie to jest zaledwie pikus ! I jednogosnie prziznali mi tytul PRIMABALERONA  Roku ! Ino jo tego niy rozumia - jak dorosle , powazne ludzie poradzom sie az do takigo stopnia ozric ? !Tych trzech co mie do dom  niysli , byli tak naprane , ze mie po drodze aze trzi razy upusciyli ! Dobrze , ze sie ino na poru siniokach i lekkich podropaniach skonczolo - ale przi nojblizszyj okazji nagodom im do rozumu , ze przeca gorzolka jest owszym do ludzi , ale pic trza umiec ze umiarym -  a niy do tego stopnia , zeby w trojka niy dali rady uniys moje 100 kg te pora metrow bez zodnego uszczyrbku  ! "

Na gyburstaku Agusi, po wrynczyniu gyszynkow zas byla haja o chincko waza kero to wrynczyl Gizd zy mnom , a Zigus twierdzil co waza byla ze jego piwnice. Glymboko zakopany topor na gwozdziu sleciol ! Przi tyj okazje zapytalach sie tysz o zygarek , bo mogby to bys fajny gyszynk dlo naszego Krzysia . Ania raublingowsko oddala swoja polowa Gizdowi i tym sposobym colki zygarek miol trefic do solynizanta, ale jak glosno prziznala - ostawila sie bransoletka , bo lubi take swiycidelka.  Wtedy jeszcze zodyn niy wiedziol, ze tym pytaniym rozpyntla nojwiynkszo kryminalno zagadka sam na radiu. Przi nastympnyj okazji wystapilach z apelym :

Poszukuje sie fszyskich sfiatkuf kere mogom cokolwiek wniys do sprawy na tymat  zdarzynio kere mialo miejsce dnia 27.12  w godzinach wieczornych - roku panckigo 2018 !Ze wzglyndu na dobro slectfa , niy mogymy ujawnic wszystkich szczegolow  Sprawa jest festy pogmatwano i z kazdom nowom poszlakom zataczo coroz to szersze kryngi osob zamiyszanych w sprawa kupno - sprzedarz obiektu " ZYGAREK na zlotyj kecie " pomiyndzy sprzedajoncym - Zigus ze Hagyn i nabyfcom  -  Ania rałblingofsko .Obiekt miol byc za kilka dni przeznaczony jako wspolny prezent urodzinowy dlo naszego Krzyska ze Bad Nakla .Zygarek zostol sprzedany w komplecie i podzielony na pol .Z niywiadomych powodow kety byly trzy - kerych i tak zodyn niy widziol i byl jedyn zygarek niyznanyj marki kery tyz zniknol w tajemniczych okolicznosciach . Niy ma kety - ani jednyj ,niy ma zygarka !Podsumowujonc - niy momy prezyntu a czas nagli !Jako rola odegrol w tyj sprawie Zigus i czymu nagle Ania jest posiadaczkom kety ze tombaku kero miala byc zlotym ? Jako rola odgrywo w tyj aferze  Gizd i kogo kryje Iwonka zaslaniajonc sie niypamiynciom , czy w sprawa jest tyz zamiyszano nasza Agniyszka ? Za kazdo wasza chync niesiynio pomocy i udzielynio zeznan w powyzszyj sprawie i odnalezieniu w/w Korpus delicti bydymy wom bardzo zobowionzani  .

Piyrszo dobrowolnie zgosila sie Agniyszka z protestym co ona ni ma we nic zaplontano, a jedynie Iwonka mo we kapzi jakos bransoletka, ale niy pamiynto skont sie tam wziyna. Bajtel zaproponowol, co by posiadacz zygorka sie zgosil som , a wtedy i sztrofa bydzie mynszo. Jednak zodyn sie niy zgosil ! Ania przipomniala gosno co ij polowa dala Gizdowi z myslom , ze Gizd go przekoze jako gyszynk.  Zigus ino gosno westchnol i pedziol : - Jeju mnie ta zguba bardzo lezy na sercu , bo jo z czym miol do czynienio tam nic sie niy straciylo. Mom tako propozycja,  a wlasciwie apel do wszystkich . Przeszukomy wszyscy razem i kazdy z osobna swoje kabzy , bo moglo byc i tak jak my oglondali wszyscy ten zygarek to moze ktos z przyzwyczajenia wraziol tyn zegarek do kabzy i sami tego niy wiymy kto. Niech to bydzie takie masowe szukanie , bo jak sie przypominom bylo nas duzo i niy sposob kazdemu rece do kabzow wkladac i mom tako cicho nadzieja , ze do niedzieli zegarek sie znojdzie i mogymy go zapakowac i dac solenizantowi jako prezent."Od tyj pory wszyscy stali sie podejrzanymi nawet te, kerych niy bylo ani na licytacji, ani na kuligu ani na fajerze Agniyszki ! Nojwiynksze jednak podejrzynie padlo na mie ino czamu? Przeca jo na kudlach stowala co by sie zguba znodla dlo dobra wszyskich . Ostało nom pora dni na szukanie - w niedziela zygarek MUSI BYC ! 

Psziszla w koncu niydziela - ostatni dziyn poszukiwanio. Zaro zaczlach z rubyj ruly co by kozdy jeszcze roz porzadnie swoje kapsy, gacie, taski przeczepol, bo przeca kajs tyn zygarek byc MUSI ! Agniyszka od samego poczontku wontpila , ze zygarek sie znojdzie , a tym samym dowala do zrozumiynio,  ze on juz je u solynizanta ! Ino czamu podowala take falszywe znaki? Co chciala ukryc? Zigus jak i chyba colko reszta swiyncie wierzila we powodzynie tyj akcji , kero juz objyna colke dwa kraje i nawet dwa kontynynty ! Dwa , bo przeca Grace tysz byla podejrzano, a miyszko za srogom wodom. Od poczatku sie upiyrala co ona ni ma winno , bo miyszko daleko, ale pszeca mogl ij ftos we pakecie zygarek poslac ! Gizelka ajblingofsko przewrocila swoje taski i przeczepala galoty Sztefana i to co znojdla to w niczym niy przipominalo szukanego zygarka. Kiedy poszukiwania nie dowaly zodnego efektu odezwol sie nasz Gizd: - Bardzo proszymy teraz o skupiynie i o uwazne wysuchanie  niniejszego wywodu na tymat no i o bardzo scislo wspolno wspolpraca , bo jak wiadomo - w kupie jest sila !

Glos zabiere teraz Kapitan Karel Gizd - sledczy w sprawie pod kryptonimym ... Zloto Keta Plus   UWAGA - proszymy o zachowanie ciszy i powagi .Szczegolowe dochodzynie kere mialo miejsce w ostatni czwartek wykozalo , ze keta od zygarka jest w posiadaniu Iwonki zamiyszkalyj w Bad Nakle  - co wymiyniono potwierdziola gosno , wyraznie i namacalnie - ale pytanie ostateczne brzmi - czy w tym przipadku  na pewno rozchodzi sie o ta poszukiwano przez organy sledcze keta o probie 5.85 zawartosci czegos tam w czyms tam i czy to jest ta keta , na kero dziwnym trafym certyfikat posiado nasz Zigus , kery w naszych aktach figuruje pod pseudonimym - "Sprzedawca " No i teraz zamiast jednego problymu momy coroz to dukszo lista niywyjasnionych zbiegow okolicznosci i niyscislosci ! A mianowicie zaczna od tego - ze niy wiadomo do jakij kategorii na chwila obecno zaliczo sie nasz Zigus ? Skoro Zigus sprzedol na oficjalnyj licytacji zygarek antyczny w komplecie ze zlotom ketom - to nasuwo sie automatycznie pytanie czymu do tego kompletu niy ostol przez niego dolonczony certyfikat ? Nastympno sprawa - czy Ania zakupiola swiadomie te zlote precjoza wysokij jakosci po zanizonyj cynie jako tombakowe gadzety ? W takiej sytuacji nastympuje calkowito konfiskata na cele wyzsze i wlasnosc posiadaczy juz nie jest ich wlasnosciom !