Ło kapelonkach jeszcze słuf pora

Jo bych sam kciala sie wrocic ...ale niy skfuli tego coch droga poszmotlala ino we czasie . Tak do zatka trocha. Psziponosz sie na pewno cos mi szynknyl na moj popszedni urlop take fajne kapelonki. Jo wiym ze co nikere bapska zaroski by sie pomyslaly o takich kapelonkach co to lajzom we dugich czornych kecach kere to majom po tczidziscitczi knefle. Ze jedny strony to czorne je dobre , bo nigdy niy wiadomo kedy je sciorane i tcza prac. No chyba, ze kapelonki te ot szatow dowajom to prac na czuch. Jak poczujom to do pranio wciepujom. Ale mie sam sie niy o te kapelonki oschodzi. To som kapelonki na gowa. Co prowda pszipominajom blank nachtopy , ale kozdy s nich  mo inkszy kolor na kozdy dziyn tydnia. Som tysz na nich  wypisane miana dni co by sie niy pomylic. I to je dobre ! Ja, dobre ale jak sie jedzie na tydziyn tak jak to bylo we Mielnie. Dziynnie paradowalach po guwnych deptakach we inkszym kapelonku ! Godom ci co tam co poltora baby czerwiynialo ze zowisci ! Kozdo jedna sie za mnom obejrzala , a jedna frechowno podeszla i sie ofyn spytala czy ij go drap sprzedom , bo jom pszipililo ! To bylo pszegiyncie ze ij strony! Ze zlosci to mie kudly tyn kapelonek na boji dzwigli ! Karlusy tysz sie opglondali za mnom a jagrze  ! Byl tysz jedyn taki pszimul co to zrobil pora kolek wele czola we moja strona , ale  mysla co mozno lopganiol jako mucha. No i teroski te same kapelonki kca wzionc za granica.  Tam tysz kca sie nimi pokfolic i zaprezyntowac szyrokimu gronu. Ino je jedyn , ale za to srogi problym , bo kapelonkof mom siedym na kozdy dziyn tydnia, a jo tam byda dwa tydnie. To trocha gupie co by dwa razy sie pokazowac we tyj samyj kolekcji.  Mysla sie  co by te kapelonki pszewrocic na drugo strona ! Nie na lewo czy zatkym na pszodek ino zakodac po dwa ! Jak na tyn psziklot wezna ftorkowy i na niego wraza sobota to bydzie ftedy kapelonek dwokolorowy ! Zas jak niy bydzie pasowac miano dnia we kerym to tyn kapelonek na boja wraza to pszeca wezna zawionza sie kokarda, zakryja napis i gut ! Pra?

I sam prziznowom recht Ojli ! Co to niby za trujkoncik we dwoch ? Na rachunkach sie niy za bardzo tyn tego , ale mimo to - cos mi sam tyz niy pasuje . Jakby czowiek niy spojrzol to nic ni ma dopasowane . Abo sam czegos za duzo , abo tam czegos brakuje , tu linia prosto jest za dugo a sam sie niy dowiyro i z lewyj jest za grubo do tyj po przekontnyj od polowy w dol , zajs na samyj szpicy zaniko w niywiadomym kerunku i z niywiadomego powodu sie zaokronglo do pojszczotka na zewnoncz . Ale mie sie zdo , coby sam ani som Ajnsztajn tego ukladu niy obliczol . Jo bych sie spytol moja kolezanka na uczelni kero jest wybitnom Pitagoraskom , ale jo niy rozumia tego jynzyka we  kerym ona sie do mie wyrazo i mom stracha co ona by mi podstympym sie doliczola we keryms momyncie jako iks a moze nawet ze igrekym , beztoz wykluczom wszystke cudze dodatki geometryczne coby niy zniyksztalciyly tego naszego niyforymnego trojkonta  zwanego trzibokym splaszczonym prostolegle do zenitu w czasie  obecnym w stosunku do nadira w przeszczyni miyndzyplanetarno - luckij w linii prostyj do ukladu kopernikowsko kolumbowym . Reasumujonc to wszystko do wspolnego mianownika zlozonego w pozycji odwrotnyj dochodzymy do wniosku , ze owszym - ty mozesz byc gupio , i mosz nawet do tego prawo - ale bez tytulu ! Natomiast jo - niy po to dol sie habitowac habitantom coby jako baba wzrostym probowala sie ponad wywyrzszac . Uwazom to za niystosowne i niy na miejscu ze kerego to miejsca upominom wyzij wspomniano o zlozynie odpowiednich wnioskow  do odpowiednich urzyndow i wladzow upowarznionych o stwierdzynie faktow na stan dzisiejszo - obecny . Do sklodanio  wniosku prosza o pszistompiynie na czczo i na czyzwo we warunkach naturalnym , koniecznie przed polnocom . Zondanie motywuja tym - ze we niydostosowaniu sie do wytyczonych dyrektyw wynik dzialania wskoze jednoznaczne rozwionzanie = BALWAN pospolity 

We guglach tysz niy fszysko jest

Tys sie mie fczora pytol czy mom google? Toc chopie ze mom ! Mom tysz kijki, narty, czopa i kombinyjzon ! Mom colke wyposarzynie co tcza ! Jezderkusie , ale pszeca ciebie niy ło te google lajzilo pra? No to te google o kerych tys sam nawijol mie nie pokazuje takich normalnie nienormalych, gupich łot urodzynio  ! Moje google to jak babsko tasia - szukosz i ...niy znajdujesz ! Mozno jo powinna tfoje zainsztalowac? W korzdym jednym razie , ani Manek , ani Goryl mie nie wylezli ! Jak fpisalach nachtop to nawet mi niy wyskokla Yeja ! Godom ci co nawet te fszystke wyszukiwarki slazom na ...Osralki ! A jeszcze niy tak downo syszalach co google som lepsze ot babskij taski - we nich idzie znojsc szukano rzecz gipcij nizli we tasce i co ? Psinco ! Tera musza sie wzionc za ciebie ! Fczora zes wyglondol jak fszyjscy pszi pyndzialku , a dzisioj to co ? Fszyjscy wyglondajom jak pszi ftorku? Majom dziurawe zoki  obleczone we lacie na hołzyntreglach ? Pszeston mi sam fanzolic gópoty ! Widzialach jednego chopa - na łokno to mi wyglondol na powaznego hopa po wysokich sztudiach hyba jakis habili...no tyn ...habilitannt i tyn to dopiyro był otwalony !  Miol gacie jak po motszym bracie , pszikrotkawe jakby miol woda we pywnicy conajmnij do polkolanuf i to jeszcze ze dziurami popszyk , pulower naciongniynty jakby go tczimol pol roku na dziesiynciu sztachetach ! Na hyrtoniu ni to szal ni to hustka  - do niczego to to niy podobne ! We rynkah miol taska - niy na ksionszki ani niy na łogorki ! Pedziol co we nich mo papiory ze sfojij limuzyny firmy Fiat 126P ! Jezderkusie godom ci ! Niy uwierzisz co ta limuzyja sie tak sfiycila jak psu te no ...jak to bylo ? A z resztom wiysz co ! Pytom sie go kaj jedzie , a tyn mi godo, co wyjehoł ino  ze gararza na niego ino popaczec i wjedzie nazot bo sie boji co by mu go niy ukradli , bo miyszko blisko polskij dzielnice . Niy kciol pedziec tak gynau , bo hyba sie bol co jo do niego zajada, a morze i mu go ukradna  ! Ale gupek ! Jo sie ze wyzszejszom polkom niy zadowom , bo nie poradza sie ze takimi godac ! No bo pomys som - co taki mie morze pedziec ? Kaj robi i wiela mu za nicniyroblynie placom ? wontpia by mi sie pokfolil ! Ale smolic go , wracom do ciebie ! Ty holzyntregle zamiast fajnie na luchole powiesic tos wrazil do kapzi zamias widolki hyba ..ino czamu oba zes do jednyj kapzi wcis?  Aaaa jusz wiym ! pszeca we tyj drugij mosz skrynta tczimanego rynkawicom lateksowom, jakis szramcjer, widolka i krałza ze rzórym ! Teeee ! A czamu mosz taki srogi flek we miyjscu kaj sie nogawice slajzom ? To mi wyglondo niy na tela na to co mosz problymy ze pyncherzym, ale że ta kralzka ze rzórym tysciowo ci zle zawarla, a tys niy sprawdzil szczelnosci ! Tera lajzisz nie dos ze opkidany to oszczympany !  Jo ni mom dlo ciebie sluf ! No ale pszeca tys je IDEAL nat idyalami pra? Jo pszi łokazji sie pszeglondna katalog mody - slowo szachraja ! 

   Jedyn bild, a tela zamiyszanio  - czyli ...

   jak sie pogodali dwa redaktory

                    Jak to bylo ? Niych rzodyn nie prubuje zaprzeczyc, ze jo je oryginalnie gupio? No tosz mysla , co taki sie niy znojdzie , a szczegulnie ty niy zaprzeczysz pra? Lajzilach po SWOJIM hasioku i znojdlach bild . NIY PORADZILACH sie mu opszic ze rzodnyj strony ! Opiyrom sie ze prawyj to łon mie na lewo ! Jo na lewo tyn mie na prawo ! jo na pojszcodek - lon mie od zadku no i musialach ! Musialach go wzionc pod uwaga ! Ino co jak tyn pieron byl taki srogi , ze do zodnych rom sie niy miescil ( 21, 5 MB  ! ) Ale ober sie niy ze takimi pszeciwnosciami losu dowala rady pra? I dalach sie rady i ze tym , a raczyj tom ! Wcieplach we lotpowiednie miyjsce , wycieplach wiynkszos bildow i ze 127 bildow ostalo 48 ! Ale nojwazniejsze ostali i taki je tego efekt ! 

O czym piszom Agynty i o czym piszom redachtory jak nic niy piszom sam bydziecie mogli poczytać 

Z notatnika Agynta 

i Redaktora